Haukar.is
Félagið mitt

Haukar og ÍA mættust á Akranesvelli á föstudagskvöldið sl. í úrslitaleik Lengjubikarkeppni kvenna C-deildar í knattspyrnu. Fór svo að það voru heimastúlkur í ÍA sem höfðu sigur 1-0 og kom markið strax á 2. mínútu leiksins. ÍA var sterkari aðilinn í fyrri hálfleik án þess þó að skapa sér mörg færi, í síðari hálfleik voru okkar stúlkur hins vegar sterkari aðilinn en sköpuðu sér ekki nægjanlega mörg færi. Besta færi Hauka í leiknum kom í viðbótartíma en vörn ÍA var vel á verði og tókst að bægja hættunni frá á síðustu stundu.

Haukar sigruðu Tindastól í fyrsta leik sumarsins sem fram fór á Ásvöllum í gær. Haukar skoruðu tvö mörk gegn engu marki gestanna.

Leikurinn var sýndur í beinni á SportTV og nú er hægt að sjá mörk Hauka á netinu, með því að smella hér sem og viðtal við Guðmund Sævarsson fyrir leik og Sigurbjörn Hreiðarsson eftir leik.

Hilmar Trausti Arnarsson kom Haukum yfir í fyrri hálfleik með marki beint úr hornspyrnu og Magnús Páll Gunnarsson gulltryggði siðan sigurinn með marki í uppbótartíma, eftir sendingu frá Hilmari Trausta.

Ólafur Jóhannesson var fjarri góðu gamni í gær vegna veikinda og í hans stað stýrðu Guðmundur Viðar Mete og Guðmundur Sævarsson liðinu af hliðarlínunni en þeir eru báðir meiddir.

Nú er innan við sólarhringur að 1.deild karla hefjist og er orðin mikil tilhlökkun í herbúðum Hauka fyrir fyrsta leik.

Haukar mæta nýliðum Tindastóls á Ásvöllum, eða Schenkervellinum á morgun og hefst leikurinn klukkan 14:00. Frítt er á völlinn í boði Rio Tinto Alcan. 

Lítið eru um meiðsli fyrir leikinn á morgun, þó vantar tvo miðverði í hópinn sem og Guðmund Sævarsson sem brotnaði á fæti á æfingu fyrir um mánuði síðan og mun ekki spila knattspyrnu á næstunni.

Haukastelpur leika annað kvöld (föstdagskvöld) kl.19:00 á Akranesi við heimastúlkur í úrslitaleik C-deildar Lengjubikars kvenna í fótbolta. Stelpurnar okkar unnu sinn riðil sannfærandi og höfðu svo 2-0 sigur á Hetti í undanúrslitum sl. laugardag með mörkum frá Þórdísi Önnu Ásgeirsdóttur og Kristínu Ösp Sigurðardóttur, en sú síðarnefnda hefur verið afar iðin við kolann í vetur og nánast skorað eða lagt upp mark í hverjum einasta leik.