Haukar.is
Félagið mitt

Meistaraflokkar Hauka flestir í eldlínunni þessa vikuna, hæst ber að sjálfsögðu sjálfur úrslitaleikurinn í Eimskipsbikarkeppni HSÍ hjá meistaraflokki karla í handbolta, en einnig eiga bæði körfuboltaliðin okkar mikilvæga leiki í vikunni. Leikirnir eru sem hér segir og athugið að þeir eru ekki í tímaröð.

Handbolti:

Mfl.kk. Haukar - FRAM, laugardagur kl.16:00, Laugardalshöll. Bikarúrslit.

Mfl.kv. leikur ekkert í þessari viku

Körfubolti:

Mfl.kk. Haukar - Grindavík, fimmtudagur kl.19:15, Schenkerhöllinni á Ásvöllum. Iceland Expressdeildin.

Mfl.kvk. Snæfell - Haukar, miðvikudagur kl.19:15, Íþróttahúsið í Stykkishólmi. Iceland Expressdeildin.

Fótbolti:

Mfl.kk. Víkingur Ólafsvík - Haukar, sunnudagur kl.17:00, Akraneshöllin. Lengjubikarinn (deildarbikarinn).

Mfl.kvk. Haukar - Landslið U16 kvenna, laugardagur kl.16:30, Kórinn. Æfingarleikur. 

Haukastelpur máttu þola stórt tap í N1-deild kvenna í handbolta gegn Val í Vodafonehöllinni í dag. Lokatölur urður 44-24 Valsstúlkum í vil.

Haukar eignuðust í dag Íslandsmeistara í knattspyrnu þegar 5.flokkur kvenna tryggði sér Íslandsmeistaratitilinn í futsal (innanhússfótbolta). Okkar stúlkur unnu Breiðablik í úrslitaleik en keppt var á Blönduósi. Heimasíðan óskar stelpunum og þjálfurum þeirra þeim Kristjáni Arnari Ingasyni og Kristjáni Sveinssyni til hamingju með þennan frábæra árangur!

Meistaraflokkur karla í knattspyrnu lék í dag sinn fyrsta leik í Lengjubikarkeppni KSÍ í dag þegar þeir mættu Breiðabliki í Fífunni. Lokatölur urðu 1-0 Blikum í vil í nokkuð jöfnum leik þar sem Blikarnir voru meira með boltann en okkar drengir vörðust vel og beittu hröðum sóknum. Mark Blika kom í seinni hálfleik upp úr einu af örfáu færum þeirra í leiknum en Hilmar Trausti Arnarson, fyrirliði Hauka brenndi af víti í stöðunni 0-0 í fyrri hálfleik.

Hörkuleikur var í gærkvöldi í undanúrslitum bikar að Ásvöllum í 10.flokki milli Hauka og KR. Haukastrákar byrjuðu leikinn mun betur og voru mjög einbeittir frá fyrstu mínútu og ætluðu sér greinilega að komast í bikarúrslitin.  Haukar höfðu 15 stiga forystu í hálfleik 38-23 og unnu að lokum sigur 63 - 54 eftir spennandi seinni hálfleik.

Haukar eru áfram á toppnum í N1-deild karla eftir leiki gærkvöldsins. Okkar menn sóttu Frammara heim í Safamýrina og höfðu sigur 23-17 í leik sem verður seint minnst í sögubókunum fyrir fagran handbolta. Það hins vegar skiptir ekki nokkru máli því þessi tvö stig sem náðust telja alveg jafn mikið í lok tímabils og önnur stig.